ကချင်ပြည်နယ် ပူတာအိုမြို့မှာ ယခုလအတွင်းလျှပ်စစ်အသုံးပြုတဲ့မီတာယူနစ်တွေအဆမတန်မြင့်တက်သွားတာကြောင့် မီတာခတွေလည်းပုံမှန်ထက်ပိုပေးဆောင်ရကြောင်း ဒေသခံများထံမှ သိရပါတယ်။ပြီးခဲ့တဲ့ ပုံမှန်လတွေဆို တစ်လကိုပုံမှန်အသုံးပြုနေတဲ့ မီတာယူနစ် ၆၀၊ ၇၀ ဝန်းကျင်ရှိရာကနေ ဒီတစ်လမှာတော့ ယူနစ် ၄၀၀ အထိခုန်တက်သွားတဲ့အတွက် ဘေလ်ဆောင်ခတွေလည်း အဆမတန်ပေးဆောင်ရကြောင်းဒေသခံတွေကဆိုပါတယ်။ဒေသခံတွေပြောပြချက်အရ ပုံမှန်တစ်လကို ယူနစ် ၆၀၊ ၇၀ လောက်သာအသုံးပြုနေတဲ့အိမ်သုံးမီတာယူနစ်တွေဟာဒီလထဲ ယူနစ် ၃၀၀၊ ၄၀၀ လောက်အထိကုန်တက်သွားတာမျိုးတွေဖြစ်နေတယ်လို့ဆိုပါတယ်။
