တောင်ကိုရီးယား သမ္မတဟောင်း ယွန်းဆက်ယို ဇနီးမောင်နှံအား ဆက်လက်စုံစမ်းစစ်ဆေးရန် ရည်ရွယ်သည့် ဘက်စုံအထူးရှေ့နေဥပဒေအသစ်ကို ဇန်နဝါရီ ၂၀ ရက်က ကျင်းပသည့် တောင်ကိုရီးယားနိုင်ငံ နိုင်ငံတော်ကောင်စီ အစည်းအဝေးတွင် စိစစ်၍ အတည်ပြုခဲ့ကြောင်း Yonhap သတင်းဌာနက ထိုနေ့ သတင်း၌ ဖော်ပြခဲ့သည်။ဘက်စုံအထူးရှေ့နေဥပဒေအသစ်တွင် ပါဝင်သော စုံစမ်းစစ်ဆေးမည့် အကြောင်းအရာများမှာ စုစုပေါင်း ၁၇ ခု ရှိပြီး ယခင်က စုံစမ်းစစ်ဆေးရေးတာဝန်အား လုပ်ဆောင်ခဲ့ပြီးဖြစ်သည့် အထူးရှေ့နေအဖွဲ့သုံးဖွဲ့က စုံစမ်းစစ်ဆေးမှုအတွင်း မလုံလောက်သည့် အစိတ်အပိုင်းနှင့် အသစ်တိုးသော သံသယဖြစ်ဖွယ်အချက်များကို စုံစမ်းစစ်ဆေးရန် ရည်ရွယ်သည်။ ၂၀၂၅ ခုနှစ် ဧပြီလတွင် တောင်ကိုရီးယား အခြေခံဥပဒေတရားရုံးက ယွန်းဆက်ယိုအပေါ် စွပ်စွဲချက်များကို အတည်ပြုသည်ဟု ကြေညာခဲ့ပြီး ယွန်းဆက်ယိုအနေဖြင့် သမ္မတရာထူး ရုပ်သိမ်းခံခဲ့ရသည်။ ၂၀၂၆ ခုနှစ် ဇန်နဝါရီ ၁၆ ရက်က ယွန်းဆက်ယိုသည် အထူးအစိုးရတာဝန်များ လုပ်ဆောင်ခြင်းကို အဟန့်အတားပြုမှု စသည့်ပြစ်မှုများအတွက် ပထမအကြိမ်စီရင်မှုတွင် ထောင်ဒဏ် ၅ နှစ် ချမှတ်ခံခဲ့ရသည်။
