တရုတ်အစိုးရသည် အသေးစား၊ အငယ်စားနှင့် အလတ်စား ပုဂ္ဂလိကလုပ်ငန်းများ၏ ရင်းနှီးမြှုပ်နှံမှုကို ပံ့ပိုးရန်အတွက် စုစုပေါင်း ယွမ် ဘီလီယံ ၅၀၀ (အမေရိကန်ဒေါ်လာ ၇၁.၄၂ ဘီလီယံခန့်) တန်ဖိုးရှိ အထူးအာမခံအစီအစဉ်ကို ဇန်နဝါရီ ၂၀ ရက်က ကြေညာခဲ့သည်။အဆိုပါအစီအစဉ်ကို အမျိုးသားငွေကြေးအာမခံရန်ပုံငွေမှတစ်ဆင့် နှစ်နှစ်တာကာလအတွင်း အကောင်အထည်ဖော်မည်ဖြစ်ပြီး ယင်းအစီအစဉ်တွင် အလတ်စားနှင့် ရေရှည်ချေးငွေများသာမက စက်ရုံတိုးချဲ့ခြင်း၊ ဆိုင်ပြန်လည်ပြုပြင်ခြင်းနှင့် လုပ်ငန်းလည်ပတ်ငွေကဲ့သို့သော နေ့စဉ်လုပ်ငန်းဆောင်တာများနှင့် သက်ဆိုင်သည့် ငွေကြေးလိုအပ်ချက်များပါ အကျုံးဝင်မည်ဖြစ်ကြောင်း ဘဏ္ဍာရေးဝန်ကြီးဌာနအပါအဝင် ဌာနအများအပြားမှ ပူးတွဲထုတ်ပြန်သော အသိပေးချက်တစ်ခုအရ သိရသည်။
