စင်ကာပူ Ang Mo Kio တွင် ကားတိုက်မှုကြောင့် အသက် ၅၉ နှစ်အရွယ် အမျိုးသားတစ်ဦး ကွယ်လွန်

စင်ကာပူနိုင်ငံ၊ Ang Mo Kio Avenue 3 နှင့် 4 လမ်းဆုံတွင် ဇန်နဝါရီ ၁၉ ရက် (တနင်္လာနေ့) ညပိုင်းက လမ်းသွားလမ်းလာ အမျိုးသားတစ်ဦးကို ကားတစ်စီးက အရှိန်ပြင်းစွာ တိုက်မိခဲ့သဖြင့် အသက် ၅၉ နှစ်အရွယ် အမျိုးသား ကွယ်လွန်သွားခဲ့သည့် ဝမ်းနည်းဖွယ်ဖြစ်စဉ်တစ်ခု ဖြစ်ပွားခဲ့ပါသည်။ အခင်းဖြစ်ပွားချိန်တွင် အနီးနားရှိ သူနာပြုတစ်ဦးနှင့် ဆရာဝန်တစ်ဦးတို့က အရေးပေါ်အသက်ကယ်နည်း (CPR) ဖြင့် ဝိုင်းဝန်းကူညီခဲ့ကြသော်လည်း လူနာမှာ ရရှိထားသည့်ဒဏ်ရာများ ပြင်းထန်လွန်းသဖြင့် Tan Tock Seng ဆေးရုံ၌ ကွယ်လွန်သွားခဲ့ခြင်းဖြစ်ကာ၊ တိုက်မိသည့်ကားမှာလည်း ရှေ့လေကာမှန်နှင့် ဘန်ဘာများ ပြုတ်ထွက်သွားသည်အထိ ပျက်စီးသွားခဲ့ပါသည်။ လက်ရှိတွင် အသက် ၅၀ အရွယ်ရှိ ယာဉ်မောင်းကို အန္တရာယ်ရှိစွာ မောင်းနှင်မှုကြောင့် လူသေဆုံးစေခြင်း (Dangerous Driving Causing Death) ပုဒ်မဖြင့် ဖမ်းဆီးထားပြီး၊ အပြစ်ရှိကြောင်း ထင်ရှားပါက စင်ကာပူနိုင်ငံ၏ လမ်းအန္တရာယ်ကင်းရှင်းရေးဥပဒေအရ အနည်းဆုံး ထောင်ဒဏ် ၂ နှစ်မှ ၈ နှစ်အထိ ကျခံရနိုင်သည့်အပြင် ယာဉ်မောင်းလိုင်စင် ၁၀ နှစ်ကျော် ပိတ်သိမ်းခံရနိုင်ကြောင်း သိရှိရပါသည်။