တရုတ်နိုင်ငံမြောက်ပိုင်း၊ အတွင်းမွန်ဂိုလီးယားကိုယ်ပိုင်အုပ်ချုပ်ခွင့်ရဒေသရှိ ပေါက်ကန်း (Baogang) နိုင်ငံပိုင်သံမဏိစက်ရုံတွင် ဇန်နဝါရီ ၁၈ ရက် ညနေပိုင်းက ပြင်းထန်သော ပေါက်ကွဲမှုတစ်ခု ဖြစ်ပွားခဲ့ရာ လူနှစ်ဦးသေဆုံးပြီး ၈၄ ဦး ဒဏ်ရာရရှိခဲ့ကာ ၅ ဦး ပျောက်ဆုံးနေကြောင်း နိုင်ငံပိုင်မီဒီယာများက ဇန်နဝါရီ ၁၉ ရက်တွင် ထုတ်ပြန်ခဲ့ပါသည်။ အဆိုပါပေါက်ကွဲမှုကြောင့် ပတ်ဝန်းကျင်ဒေသများတွင် တုန်ခါမှုများ ဖြစ်ပေါ်ခဲ့ပြီး စက်ရုံအတွင်း အဆောက်အအုံများ ပြိုကျပျက်စီးခဲ့ကာ ဒဏ်ရာရရှိသူများအနက် ၅ ဦးမှာ စိုးရိမ်ရသည့် အခြေအနေရှိကြောင်း သိရသည်။ လက်ရှိတွင် အာဏာပိုင်များက ပေါက်ကွဲရသည့် အကြောင်းရင်းကို စုံစမ်းစစ်ဆေးလျက်ရှိပြီး၊ တရုတ်နိုင်ငံတွင် ဘေးကင်းလုံခြုံမှုဆိုင်ရာ အားနည်းချက်များကြောင့် ယခုကဲ့သို့ စက်မှုလုပ်ငန်းဆိုင်ရာ မတော်တဆမှုများ မကြာခဏ ဖြစ်ပွားလေ့ရှိကြောင်း သိရပါသည်။
တရုတ်တွင် သံမဏိစက်ရုံပေါက်ကွဲမှုနှစ်ဦးသေဆုံး၊ ၈၀ ကျော်ဒဏ်ရာရ
Jan 20 • 3:24 AM
တရုတ်
ပြည်တွင်းသတင်း
မျှဝေမည်
 9 |  0 |  0 |  0 |
