ကမ္ဘာ့ထိပ်တန်းတက္ကသိုလ် ၁၀ ခုစာရင်းတွင် တရုတ်တက္ကသိုလ်များက ၇ နေရာအထိ သိမ်းပိုက်ထား

တရုတ်နိုင်ငံမှ တက္ကသိုလ်များသည် ကမ္ဘာ့ထိပ်တန်းတက္ကသိုလ်(၁၀) ခုစာရင်းတွင် (၇) နေရာအထိ သိမ်းပိုက်နိုင်ခဲ့ကြောင်း ကမ္ဘာ့ဩဇာအရှိဆုံး သိပ္ပံနှင့် သုတေသနဆိုင်ရာ အဆင့်သတ်မှတ်ချက်တစ်ခုဖြစ်သည့် ၂၀၂၅ CWTS Leiden Ranking ၏ နောက်ဆုံးထုတ်ပြန်ချက်အရ သိရသည်။နှစ်ပေါင်းများစွာ နံပါတ် (၁) နေရာကို စွဲစွဲမြဲမြဲ ရယူထားနိုင်ခဲ့သည့် အမေရိကန်မှ ဟားဗတ်တက္ကသိုလ် မှာမူ ယခုနှစ်တွင် အဆင့် (၃) သို့ ကျဆင်းသွားခဲ့ပြီး တရုတ်နိုင်ငံမှ Zhejiang University က ကမ္ဘာ့အဆင့် (၁) နေရာသို့ ပထမဆုံးအကြိမ် တက်လှမ်းလာခဲ့သည်။ယခုနှစ် သုတေသနစွမ်းဆောင်ရည် အခြေပြုအဆင့်သတ်မှတ်ချက်တွင် Shanghai Jiao Tong University က အဆင့် (၂) တွင် ရပ်တည်နေပြီး ဟားဗတ်တက္ကသိုလ်မှာမူ ၎င်းတို့၏နောက် အဆင့် (၃) နေရာသို့ ရောက်ရှိသွားခြင်းဖြစ်သည်။