မကွေးတက္ကသိုလ် ၂၀၂၅-၂၀၂၆ ပညာသင်နှစ် ဘာသာရပ်ပေါင်းစုံ (အမျိုးသား) ဘောလုံးပြိုင်ပွဲ ဆုချီးမြှင့်ပွဲအခမ်းအနားကျင်းပခဲ့

မကွေးတိုင်းဒေသကြီး၊ မကွေးတက္ကသိုလ်တွင် တစ်မျိုးသားလုံးကျန်းမာကြံ့ခိုင်ရေး၊ ပညာရည်မြင့်မားရေး၊ စိတ်ဓာတ်ကောင်းမွန်ရေး၊ ဉာဏ်ရည်မြင့်မားသောအားကစားသမား များပေါ်ထွန်းရေး တက္ကသိုလ်အားကစားလောကမြင့်မားတိုးတက်စေရန်နှင့်တက္ကသိုလ်လက်ရွေးစင်မှမြန်မာ့ လက်ရွေး စင်အားကစားသမားကောင်းများပေါ်ထွန်းလာစေရန်နှင့် အားကစားအမျိုးအစားအလိုက် ထူးချွန်သည့် အားကစားသမားကောင်းများ မွေးထုတ်နိုင်ရန် ရည်ရွယ်၍ မကွေးတက္ကသိုလ် ၂၀၂၅-၂၀၂၆ ပညာသင်နှစ်ဘာသာရပ်ပေါင်းစုံ (အမျိုးသား) ဘောလုံးပြိုင်ပွဲနှင့်ဆုချီးမြှင့်ပွဲအခမ်းအနားကို ယမန်နေ့နံနက်ပိုင်းက မကွေးတက္ကသိုလ်ဘောလုံးကွင်း ၌ ကျင်းပခဲ့သည်။ဆက်လက်၍ မကွေးတက္ကသိုလ်မှ ကျောင်းသူလေးများက အားကစားသီချင်းများဖြင့် သရုပ်ပြဖျော်ဖြေတင်ဆက်ခဲ့ကြပြီး ဆုချီးမြှင့်ပွဲအခမ်းအနားကို ကျင်းပရာ ဘာသာရပ်ပေါင်းစုံ (အမျိုးသား) ဘောလုံးပြိုင်ပွဲများတွင် နေရာအလိုက် တစ်ဦးချင်းအကောင်းဆုံးဆုရရှိသူများ၊ ပြိုင်ပွဲတွင် ပထမဆုရရှိသော သမိုင်းဘာသာရပ်အသင်း၊ ဒုတိယဆုရရှိသော ညွန့်ပေါင်းအသင်း၊ တတိယဆုရရှိသော ဓာတုဗေဒဘာသာရပ်အသင်းများအား ဆုကလပ်၊ ဆုဆွဲပြား၊ ငွေသားဆုနှင့် ပြိုင်ပွဲတွင်တံခွန်စိုက် ဆုရရှိသည့် သမိုင်းဘာသာရပ်အသင်းအား တိုင်းဒေသကြီးဝန်ကြီးချုပ်နှင့် တာဝန်ရှိသူအသီးသီးက ဆုများ ချီးမြှင့်ပေးအပ်ခဲ့ကြောင်း သိရသည်။