ပြည်တွင်း၌လာနီညာဖြစ်စဉ် ရဲ့ ကြွင်းကျန်သောသက်ရောက်မှုကြောင့် မိုးဦးကျတာစောနိုင်မယ်လို့ မိုးလေဝသပညာရှင်ဦးဝင်းနိုင်ရဲ့သုံးသပ်ပြောကြားထားတာတွေအရသိရပါတယ်။ လာနီညာဖြစ်စဉ် ရဲ့ ကြွင်းကျန်သောသက်ရောက်မှုကြောင့် မိုးကြိုနဲ့ မိုးဦးကာလများအတွင်း မေ နဲ့ ဇွန် တွေမှာ မိုးဦးကျတာစောနိုင်ပါတယ်။ မိုးလယ်ကာလအတွင်း ENSO Neutral ရာသီဥတုအခြေအနေကြောင့် မိုးရာသီအတွင်း ပုံမှန်မိုးရွာသွန်းတာ သာဖြစ်နိုင်ပါတယ်လို့ " ဦးဝင်းနိုင်ကဆိုပါတယ်။ENSO-neutral ကို ကူးပြောင်းနေချိန်ကာလဖြစ်လို့ အပူပိုင်း convection trigger တွေ (MJO active phase) ဝင်လာရင် မိုးစတင်ချိန် မြန်နိုင် ၊ မိုးကြိုစောမယ့် အခြေအနေဖြစ်နိုင်ပြီး ၊ IOD neutral ဖြစ်နေမယ်ဆိုတာကြောင့် onset ကို ထိခိုက်စေတဲ့ “IOD push” မရှိနိုင်ဘူးလို့သိရပါတယ်။မြန်မာနိုင်ငံမြောက်ဘက်နဲ့ အနောက်ဘက်၊ အရှေ့ဘက်တောင်တန်း ၊ တောင်ထူထပ်သောဒေသ တွေမှာ မိုးဦးကျစောနိုင်မယ်လို့သိရပါတယ်။အလယ်ပိုင်း/အပူပိုင်းခြောက်ဒေသ တွေ မှာတော့ မိုးကြိုမယ့် အရိပ်အယောင်ပြလာရင် သီးနှံစိုက်ပျိုးရေးအတွက်အကျိုးရှိနိုင်တယ်လို့သိရပါတယ်။မိုးပြတ်/မိုးအားလျော့ တာ တွေ ရှိနိုင်လို့ မုတ်သုံဝင်ရောက်ချိန်နဲ့ မုန်တိုင်း တွေ ဖြစ်ပေါ်နိုင်ချေကို အထူးသတိပြုပြီး စောင့်ကြည့်ရန်လိုပါမယ်လို့ဆိုပါတယ်။အပူပိုင်းမိုးနည်းရေရှားဒေသ တွေ မှာ ခြောက်သွေတာနဲ့ အပူဒဏ်ကြောင့် ဖြစ်ပေါ်တဲ့ အန္တရာယ်ကို ဇူလိုင် က နေ ဩဂုတ် (မုတ်သုံပြတ်တောက်ချိန် တွေ အတွင်း) သတိထားဖို့လိုပါမယ်ပြောထားပါတယ်။ မြစ်ဝကျွန်းပေါ်ဒေသ တွေ နဲ့ ကမ်းရိုးတန်းဒေသ တွေ မှာ မုတ်သုံအားအကောင်းဆုံးဖြစ်တဲ့ ကာလ တွေ နဲ့ ဒီရေတက်ချိန်တိုက်ဆိုင်တဲ့ ကာလ တွေ အတွင်း ရေကြီး/ရေလျှံတာ ၊ လူနေရပ်ကွက်-လယ်ကွင်း တွေ မှာ ရေလွှမ်းတာ တွေ ဖြစ်ပေါ်နိုင်ပါတယ်လို့ ဦးဝင်းနိုင်က ခန့်မှန်းပြောကြားထား တာ တွေအရ သိရှိရပါတယ်။
