ထိုင်းနိုင်ငံ၊ အယုဒ္ဒယတွင် စက်ရုံကြိုပို့ယာဉ် လမ်းဘေးရေမြောင်းထဲထိုးကျပြီး ဝန်ထမ်း ၁၄ ဦး ဒဏ်ရာရ

၂၀၂၆ ခုနှစ်၊ ဇန်နဝါရီ ၁၈ ရက် နံနက် ၇ နာရီခွဲခန့်တွင် အယုဒ္ဒယပြည်နယ်၊ Asian Highway လမ်းမကြီးပေါ်၌ Rojana စက်မှုဇုန်ရှိ စက်ရုံတစ်ခုမှ ဝန်ထမ်းကြိုပို့ယာဉ်တစ်စီးသည် အရှိန်မထိန်းနိုင်ဘဲ လမ်းဘေးရေမြောင်းထဲသို့ ထိုးကျတိမ်းမှောက်မှု ဖြစ်ပွားခဲ့သည်။ အဆိုပါမတော်တဆမှုကြောင့် ယာဉ်မောင်းအပါအဝင် အမျိုးသား ၂ ဦးနှင့် အမျိုးသမီး ၁၂ ဦး၊ စုစုပေါင်း ၁၄ ဦး ထိခိုက်ဒဏ်ရာရရှိခဲ့ပြီး ၎င်းတို့ကို ကယ်ဆယ်ရေးအဖွဲ့များက ဆေးရုံများသို့ ပို့ဆောင်ပေးခဲ့ရသည်။ ယာဉ်မောင်း၏ ထွက်ဆိုချက်အရ ၎င်းသည် ကားမောင်းနေစဉ်အတွင်း ရုတ်တရက် အမြင်အာရုံဝေဝါးကာ သတိလစ်သကဲ့သို့ (Blackout) ဖြစ်သွားခဲ့ခြင်းကြောင့် ဓာတ်တိုင်ကို ဝင်တိုက်ကာ ရေမြောင်းထဲသို့ ထိုးကျသွားခြင်းဖြစ်ကြောင်း သိရပြီး၊ လက်ရှိတွင် ရဲတပ်ဖွဲ့က ဖြစ်စဉ်အမှန်ကို ဆက်လက်စုံစမ်းစစ်ဆေးလျက်ရှိပါသည်။