တရုတ်နိုင်ငံ၊ချုံချင့်မြို့ ရိုယန်ခရိုင်တွင် ရှေးဟောင်းမြို့ ပြန်လည်သစ်လွင်လာ

တရုတ်နိုင်ငံ၊ဝူးကျန်းမြစ် ကုံးထန်း ခရီးသွားအပန်းဖြေစခန်းသည် တရုတ်နိုင်ငံ ချုံချင့်မြို့၊ ရိုယန် ထူကျားလူမျိုး၊ မြောင် လူမျိုး ကိုယ်ပိုင်အုပ်ချုပ်ခွင့်ရခရိုင်၏ အနောက်ပိုင်းတွင် တည်ရှိပြီး ချုံချင့်နှင့် ကွေ့ကျိုးတို့ နယ်နိမိတ်ထိစပ်ရာဒေသတွင် တည်ရှိသည်။ ဤနေရာသည် ကီလိုမီတာ ရာချီရှည်လျားသော ဝူးကျန်းမြစ် ပန်းချီစင်္ကြံ၏ အစပြုရာနေရာဖြစ်ပြီး မြစ်နှစ်စင်း ဝန်းရံထားကာ အပင်များ ဝေဝေဆာဆာရှိသည့်အပြင် နိုင်ငံအဆင့် AAAA ရှုခင်းသာဧရိယာရရှိထားသော ကုံးထန်းရှေးဟောင်းမြို့နှင့် ဝူးကျန်းမြစ် သဘာဝရှုခင်းသာဧရိယာတို့ကိုလည်း ပိုင်ဆိုင်ထားသည်။မကြာသေးမီနှစ်များတွင် အပန်းဖြေစခန်းသည် ကြွယ်ဝသော သမိုင်းယဉ်ကျေးမှုနှင့် သဘာဝရှုမြင်ကွင်းအရင်းအမြစ်များကို အခြေခံကာ Themed တည်းခိုအိမ်များ၊ ဝူးကျန်းမြစ် အပျော်စီးလှေ၊ အနုပညာပြခန်းများ၊ ဒေသ ရိုးရာအစားအစာများ၊ ဒြပ်မဲ့ ယဉ်ကျေးမှုအမွေအနှစ် ဖျော်ဖြေရေးအစီအစဉ်များ စသည့် လုပ်ငန်းစနစ်များကို စုစည်းကာ ခရီးသွားလုပ်ငန်းကို အရှိန်မြှင့်ဖွံ့ဖြိုးတိုးတက်စေခဲ့သည်။