ဆိုးလ်မြို့တော်ရှိ ဂါယောင်းဆင်းရဲသားရပ်ကွက်တွင် မီးလောင်မှုဖြစ်ပွား၊ နေအိမ်အများအပြား ပျက်စီး

တောင်ကိုရီးယားနိုင်ငံ၊ ဆိုးလ်မြို့တော်ရှိ နောက်ဆုံးလက်ကျန် ဆင်းရဲသားရပ်ကွက်တစ်ခုဖြစ်သည့် ဂါယောင်း ကျေးရွာတွင် ဇန်နဝါရီ ၁၆ ရက်က ပြင်းထန်သော မီးလောင်ကျွမ်းမှုဖြစ်ပွားခဲ့ရာ နေအိမ်အများအပြား ပျက်စီးဆုံးရှုံးခဲ့ကြောင်း သိရသည်။ အဆိုပါမီးလောင်မှုကို ငြှိမ်းသတ်ရန် မီးသတ်နှင့် ရဲတပ်ဖွဲ့ဝင် ၁,၂၀၀ ကျော် စေလွှတ်ခဲ့ရပြီး ခြောက်နာရီခွဲအကြာတွင် ထိန်းချုပ်နိုင်ခဲ့ကာ ကံကောင်းထောက်မစွာဖြင့် လူသေဆုံးမှုနှင့် ဒဏ်ရာရရှိမှု မရှိခဲ့ပါ။ လူကုံထံရပ်ကွက်ဖြစ်သော ဂမ်းနန်းအနီးတွင် တည်ရှိသည့် ဤကျေးရွာသည် တောင်ကိုရီးယား၏ ဝင်ငွေမညီမျှမှုပြဿနာကို ထင်ဟပ်နေသည့် သင်္ကေတတစ်ခုဖြစ်ပြီး ၁၉၈၀ ပြည့်နှစ်ကတည်းက တည်ရှိခဲ့သော ယာယီတဲအိမ်များစွာရှိသည့် နေရာဖြစ်ကြောင်း သိရှိရပါသည်။