မန်ယူနိုက်တက်ကစားသမားဟောင်းများ၏ ဝေဖန်မှုအပေါ် မိုက်ကယ်ကာရစ် တုံ့ပြန်

မန်ယူနိုက်တက်အသင်း၏ ယာယီနည်းပြ မိုက်ကယ်ကာရစ်က အသင်းကစားသမားဟောင်းအချို့၏ မှတ်ချက်စကားများသည် ကျိုးကြောင်းဆီလျော်မှုမရှိကြောင်း ဝေဖန်တုံ့ပြန်လိုက်သည်။ အထူးသဖြင့် အသင်းခေါင်းဆောင်ဟောင်း ရွိုင်ကင်းက ကာရစ်၏ဇနီးဖြစ်သူ လီဆာနှင့် ပတ်သက်၍ အတိတ်ဟောင်းဖြစ်ရပ်များကို ပြန်လည်အစဖော်ကာ ဝေဖန်ခဲ့မှုအပေါ် ကာရစ်က ယခုကဲ့သို့ တုံ့ပြန်ခဲ့ခြင်းဖြစ်သည်။ ၂၀၁၄ ခုနှစ်က အိုလံပီယာကော့စ်နှင့်ပွဲအပြီး ရွိုင်ကင်း၏ သုံးသပ်ချက်ကို လီဆာက လူမှုကွန်ရက်တွင် တုံ့ပြန်ခဲ့ဖူးသည်ကို ရွိုင်ကင်းက ပြန်လည်အာဃာတထား ပြောဆိုခဲ့ခြင်းဖြစ်သော်လည်း၊ ကာရစ်ကမူ ထိုစကားများသည် မိမိအား အနှောင့်အယှက်မဖြစ်စေကြောင်းနှင့် ကစားသမားဟောင်းများ၏ မှတ်ချက်များအပေါ် အလေးမထားကြောင်း ပြတ်သားစွာ ပြောကြားခဲ့ပါသည်။