ရန်ကုန်မြို့ရှိ လက်ဖက်ရည်ဆိုင်ကြီးများအနက် ဆိုင်အချို့တွင် ရေနွေးကြမ်းများကို စားသုံးသူများထံ ယခင်လိုအခမဲ့ပေးခြင်းမျိုးမပြုတော့ဘဲ ရောင်းချခြင်းများဖြင့်လုပ်ဆောင်လာကြောင်း ကိုယ်တိုင်ကြုံသူများထံမှ သိရသည်။မြန်မာနိုင်ငံရှိ လက်ဖက်ရည်ဆိုင်ယဉ်ကျေးမှုတွင် လက်ဖက်ရည်၊ ကော်ဖီသောက်သုံးသူများအတွက် ရေနွေးကြမ်းများကို အခမဲ့ချပေးထားလေ့ရှိပြီး လက်ဖက်ရည်ဆိုင်အတွင်း မိတ်ဆွေအပေါင်းအသင်းများဆုံကာ ဝိုင်းဖွဲ့၍ စကားပြောဆိုခြင်းများအပါအဝင် အပေါင်းအသင်းဆုံရာနေရာအဖြစ် တည်ရှိနေခဲ့ကြသည်။“ဟိုတုန်းကတော့ တစ်နေကုန်ထိုင် ရေနွေးလိုလို့ထပ်တောင်းလည်း တစ်အိုးပြီးတစ်အိုးချပေးတာ၊ အခုကျတော့ ဆိုင်ကြီးတွေမှာ ရေနွေးကို အလကားမပေးတော့ဘူး”ဟုလည်း ၎င်းက ပြောကြားသည်။ရေနွေးကြမ်းများကိုရောင်းချရာတွင် ကြွေခရားအိုးဖြင့် တစ်အိုးလျှင် ၁,၅၀၀ ကျပ်မှ ၁,၈၀၀ ကျပ်ကြား ကျသင့်ပြီး အချို့သောဆိုင်ကြီးများတွင် ကြွေခွက်အကြီးဖြင့် တစ်ခွက်လျှင် ၂၅၀ ကျပ်မှ ၃၀၀ ကျပ်ကြားနှုန်းမျိုးဖြင့် ရောင်းချခြင်းများလည်းရှိလာခဲ့သည်။
