၂၀၂၆ ကမ္ဘာ့ဖလားပြိုင်ပွဲအတွက် လက်မှတ်ဝယ်ယူခွင့်ရဖို့ ကြိုးပမ်းမှု သန်း ၅၀၀ ကျော်အထိရှိကြောင်း FIFA ထုတ်ပြန်

၂၀၂၆ ခုနှစ်တွင် အမေရိကန်၊ မက္ကဆီကိုနှင့် ကနေဒါနိုင်ငံတို့၌ ပူးတွဲအိမ်ရှင်အဖြစ် ကျင်းပမည့် ကမ္ဘာ့ဖလားပြိုင်ပွဲအတွက် ကျပန်းစနစ်ဖြင့် လက်မှတ်ရောင်းချမှုကို ဒီဇင်ဘာ ၁၁ ရက်တွင် စတင်ခဲ့ရာ ၃၃ ရက်အတွင်း လက်မှတ်ဝယ်ယူခွင့် တောင်းဆိုမှုပေါင်း သန်း ၅၀၀ ကျော် (တစ်နေ့လျှင် ပျမ်းမျှ ၁၅ သန်းခန့်) ရှိခဲ့ကြောင်း ကမ္ဘာ့ဘောလုံးအဖွဲ့ချုပ် (FIFA) က ထုတ်ပြန်လိုက်သည်။ FIFA အဖွဲ့ဝင် ၂၁၁ နိုင်ငံစလုံးမှ ပရိသတ်များ ပါဝင်လျှောက်ထားကြပြီး အိမ်ရှင်သုံးနိုင်ငံအပြင် ဂျာမနီ၊ အင်္ဂလန်နှင့် ဘရာဇီးလ်တို့မှ ဝယ်ယူလိုသူ အများဆုံးဖြစ်ကာ ကိုလံဘီယာ-ပေါ်တူဂီပွဲ၊ မက္ကဆီကို-တောင်ကိုရီးယားပွဲနှင့် နယူးဂျာစီတွင် ကျင်းပမည့် ဗိုလ်လုပွဲတို့မှာ လက်မှတ်ဝယ်ယူမှု အများဆုံးပွဲစဉ်များအဖြစ် ရပ်တည်နေသည်။ FIFA ဥက္ကဋ္ဌ အင်ဖန်တီနိုက ဤကဲ့သို့ လိုအပ်ချက်ထက် ကျော်လွန်သည့် ထူးခြားသော တုံ့ပြန်မှုအတွက် ကမ္ဘာတစ်ဝန်းရှိ ဘောလုံးပရိသတ်များကို ကျေးဇူးတင်စကား ပြောကြားခဲ့ကြောင်း သိရှိရပါသည်။