မန္တလေးငလျင်လှုပ်ခတ်မှုအပြီး ငလျင်ဘေးကြိုတင်ပြင်ဆင်ရန်နှင့် အရေးပေါ်ဖုန်းနံပါတ်များကို ထုတ်ပြန်

ဇန်နဝါရီ ၁၅ ရက်က မန္တလေးတိုင်းဒေသကြီးတွင် အင်အား 5.1 အဆင့်ရှိ ငလျင်လှုပ်ခတ်ခဲ့ပြီးနောက် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနက ငလျင်ဘေးကြိုတင်ပြင်ဆင်ရန် အချက်များနှင့် အရေးပေါ်ဆက်သွယ်ရန်ဖုန်းနံပါတ်များကို ထုတ်ပြန်လိုက်သည်။ ပြည်သူများအနေဖြင့် မိမိတို့ဒေသ၏ ငလျင်အန္တရာယ်ရှိမှုကို လေ့လာထားရန်၊ ဘေးကင်းသည့်နေရာနှင့် ထွက်ပေါက်လမ်းကြောင်းများ သတ်မှတ်ထားရန်၊ ပြုတ်ကျနိုင်သည့်ပစ္စည်းများကို စနစ်တကျ ထိန်းသိမ်းထားရန် သတိပေးထားပြီး၊ သဘာဝဘေးအန္တရာယ်ကြုံတွေ့ပါက ဝန်ကြီးဌာန၏ Hot-Line ဖုန်းနံပါတ်များဖြစ်သော 067-3404666 နှင့် 067-3404777 တို့သို့ ဆက်သွယ်အကူအညီတောင်းခံနိုင်ကြောင်း သိရှိရပါသည်။