ဘန်ကောက်မြို့ လေထုညစ်ညမ်းမှု ဆိုးရွားလာပြီး ခရိုင်အချို့တွင် "အနီရောင်" အဆင့်သို့ ရောက်ရှိ

ယနေ့ ဇန်နဝါရီ ၁၆ ရက် နံနက်ပိုင်း တိုင်းတာချက်များအရ ထိုင်းနိုင်ငံ၊ ဘန်ကောက်မြို့၏ လေထုညစ်ညမ်းမှုသည် ကျန်းမာရေးကို ထိခိုက်စေနိုင်သည့် အဆင့်သို့ ရောက်ရှိနေပြီး ခရိုင် ၄ ခုတွင် PM 2.5အဆင့် အန္တရာယ်ရှိသော "အနီရောင်" ဇုန်အဖြစ် သတ်မှတ်ထားရသည်။ မော်တော်ယာဉ်များမှ ဓာတ်ငွေ့ထုတ်လွှတ်မှု၊ ယာဉ်ကြောပိတ်ဆို့မှုနှင့် ဆောက်လုပ်ရေးလုပ်ငန်းခွင်များကြောင့် လေထုအရည်အသွေး ပိုမိုဆိုးရွားလာခြင်းဖြစ်ကြောင်း သိရသည်။ ထို့ကြောင့် ပြည်သူများအနေဖြင့် အပြင်ထွက်ပါက နှာခေါင်းစည်း (Mask) များ မဖြစ်မနေ တပ်ဆင်ကြရန်နှင့် ကျန်းမာရေး သတိပြုကြရန် နှိုးဆော်ထားပါသည်။