တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီး ဝမ်ရိသည် ဇန်နဝါရီ ၁၅ ရက်တွင် တရုတ်နိုင်ငံ ပေကျင်းမြို့၌ ကနေဒါနိုင်ငံခြားရေးဝန်ကြီး Anita Anand တွေ့ဆုံဆွေးနွေးခဲ့သည်။ထိုသို့ တွေ့ဆုံဆွေးနွေးရာတွင် ဝမ်ရိက ဝန်ကြီးချုပ် မာ့ခ်ကာနီ တရုတ်နိုင်ငံသို့ နိုင်ငံတော်ခရီးစဉ် စတင်လိုက်ခြင်းသည် ကနေဒါဝန်ကြီးချုပ်၏ ၈ နှစ်ကြာမြင့်ပြီးနောက် တရုတ်နိုင်ငံသို့ လာရောက်ခြင်းဖြစ်ရာ နှစ်နိုင်ငံဆက်ဆံရေးအတွက် အချိုးအကွေ့၊ အထင်ကရ အနက်အဓိပ္ပာယ်ရှိကြောင်း၊ နှစ်နိုင်ငံခေါင်းဆောင်များသည် တွေ့ဆုံဆွေးနွေးမှုများပြုလုပ်သွားမည်ဖြစ်ပြီး နှစ်နိုင်ငံဆက်ဆံရေးအတွက် အလားအလာအသစ်များ ဖွင့်လှစ်ပေးမည်ဟု ယုံကြည်ကြောင်း၊ တရုတ်နိုင်ငံအနေဖြင့် ကနေဒါဘက်နှင့်အတူ ညှိနှိုင်းဆွေးနွေးမှု မြှင့်တင်ရန်၊ ယုံကြည်မှု တိုးမြှင့်ရန်၊ နှောင့်ယှက်မှုများ ဖယ်ရှားရန်၊ ပူးပေါင်းဆောင်ရွက်မှု နက်ရှိုင်းစေရန်၊ နှစ်ဖက်ဆက်ဆံရေးအား အခြေအနေအသစ်တွင် တည်ငြိမ်စွာ၊ လက်တွေ့ကျစွာ၊ ကောင်းမွန်စွာ လျှောက်လှမ်းရန် တွန်းအားပေးဆောင်ရွက်သွားလိုကြောင်း ပြောကြားခဲ့သည်။
