ထိုင်းနိုင်ငံ ဖူးခက်တွင် EDC Thailand 2026 ဂီတပွဲတော်ကြီး ယနေ့စတင်

ကမ္ဘာကျော် လျှပ်စစ်ဂီတပွဲတော်ကြီးဖြစ်သည့် Electric Daisy Carnival (EDC) Thailand 2026 ကို ထိုင်းနိုင်ငံ၊ ဖူးခက်ကမ်းခြေ၌ ဒုတိယအကြိမ်မြောက်အဖြစ် ယနေ့ (ဇန်နဝါရီ ၁၆ ရက်) မှ စတင်ကာ ၁၈ ရက်နေ့အထိ ၃ ရက်တိုင်တိုင် စည်ကားသိုက်မြိုက်စွာ ကျင်းပသွားမည်ဖြစ်သည်။ ယခုနှစ်တွင် ထူးခြားသည့် အစီအစဉ်များဖြစ်သော Center Tower၊ ဂိမ်းကစားနိုင်သည့် Kandi Casino၊ ထိုင်းနိုင်ငံ၏ နာမည်ကြီး Drag Queens များ ဖျော်ဖြေမည့် Diva Bar နှင့် Karaoke Battle trucks များပါဝင်လာသဖြင့် ပိုမိုစုံလင်လာသည်။ လက်မှတ်ဈေးနှုန်းများမှာ တစ်ရက်စာအတွက် ၄,၇၀၀ ဘတ်မှ စတင်ကာ ၃ ရက်စာ VIP လက်မှတ်မှာ ၁၅,၅၉၀ ဘတ်အထိ ရှိကြောင်း သိရှိရပါသည်။