မြန်မာအတွက် ဒေါ်လာ ၁၂၁ သန်းပေးမယ့် ဥပဒေကြမ်း အမေရိကန် အောက်လွှတ်တော် အတည်ပြု

မြန်မာ့အရေးအတွက် ဒေါ်လာ ၁၂၁ သန်းကူညီပေးမယ့် အစီအစဉ်ပါ၀င်တဲ့ အမေရိကန်နိုင်ငံရဲ့ ၂၀၂၆ ဘဏ္ဍာရေးနှစ်အတွက် ရေးဆွဲထားသောဥပဒေကြမ်းကိုအောက်လွှတ်တော်က အတည်ပြုလိုက်ပါတယ်။ ဇန်နဝါရီ ၁၄ ရက်နေ့က အောက်လွှတ်တော်မှာ မဲခွဲရာ ထောက်ခံမဲ ၃၄၁ မဲ၊ ကန့်ကွက်မဲ ၇၉ မဲနဲ့ အတည်ပြုလိုက်တာလို့ အမေရိကန် အောက်လွှတ် တော်က ထုတ်ပြန်ပါတယ်။ အမေရိကန်ရဲ့ အမျိုးသားစီးပွားရေး ရင်းနှီးမြှုပ်နှံမှုအစီအစဉ်ခေါင်းစဉ်အောက်မှာ ခွင့်ပြုထားတဲ့ ရန်ပုံငွေတွေထဲက အနည်းဆုံး ဒေါ်လာ ၁၂၁ သန်းကို မြန်မာနိုင်ငံအတွက် အကူအညီများ ရရှိနိုင်ရမှာ ဖြစ်ပါတယ်။