ထိုင်းရောက် မြန်မာများ ဥပဒေနှင့် စည်းမျဉ်းများလိုက်နာကြဖို့ အသိပေး

ထိုင်းနိုင်ငံတွင် နေထိုင်‌ကြသည့် မြန်မာနိုင်ငံသားများသည် ထိုင်းနိုင်ငံ၏ ဥပဒေနှင့် စည်းမျဉ်းများ၊ ယဉ်ကျေးမှု ဓလေ့ထုံးတမ်း၊ ဒေသန္တရစည်းကမ်းများကို လေးစားလိုက်နာကြရန် နိုင်ငံခြားရေးဝန်ကြီးဌာနက ယနေ့ထုတ်ပြန် အသိပေးသည်။ ထိုင်းနိုင်ငံ၏ နိုင်ငံရေးနှင့် အုပ်ချုပ်မှုရေးရာ ကိစ္စရပ်များတွင် ပါဝင် ပတ်သက်ခြင်း မပြုကြရန်၊တရားဥပဒေနှင့်မညီသည့် မည်သည့်ကိစ္စရပ်များတွင်မျှ ပါဝင်ပတ်သက်ခြင်း မပြုကြရန်နှင့် အိမ်ရှင်လူမှုအသိုင်းအဝိုင်း၏ တန်ဘိုးထားမှု၊ လူနေမှုပုံစံများနှင့်အညီ သဟဇာတဖြစ်စွာ လိုက်လျောညီထွေနေထိုင်ကြရန်လည်း ထုတ်ပြန်သည်။