ကယားပြည်နယ်(ကရင်နီ)ပြည်နယ်အတွင်းရှိ လူပေါင်း ၆၀ ကျော်ထံတွင် ငွေကြေးလိမ်လည်ခဲ့သည့် ဆုပြည့်အောင်ကို ကရင်နီပြည်နယ် မြို့နယ်တရားရုံးတစ်ခုက ထောင်ဒဏ်ချမှတ်လိုက်ကြောင်း ငွေလိမ်ခံထားရသည့် တရားလိုများက ပြောကြားသည်။" အစက စွဲချက်တင်ထားတာက ၄၀၆ နဲ့ ၄၂၀ ရယ်နဲ့ ပေါ့နော် ။ အခုက အမိန့်ချလိုက်တာက ၄၂၀ နဲ့ ၃ မှုကို ၉ နှစ်ကျတယ်" ဟု အမှုဖွင့်ထားသူ တစ်ဦးက ပြောသည်။ ဆုပြည့်အောင်သည် မိခင်ဆေးကုရန်နှင့် နေရပ်စွန့်ခွာရသူများအား ကူညီရန် ဟူသော အကြောင်းပြချက်များဖြင့် လူပေါင်း အယောက် ၆၀ ထံမှ ငွေ သိန်း ၃၀၀ နီးပါးကို လိုက်လံချေးငှား၍ လိမ်လည်ခဲ့ခြင်းဖြစ်သည်။အလိမ်ခံရသူများပြားသော်လည်း ဆုပြည့်အောင်ကို အမှုဖွင့်တိုင်ကြားသူမှာ ၃ ဦးသာ ရှိခဲ့ပြီး တစ်မှုကို ထောင်ဒဏ် ၃နှစ် သီးခြားစီအမိန့်ချခဲ့ခြင်းဖြစ်သည်။
