လိုင်လီအသင်းရဲ့နည်းပြ ယန်နေစီယိုဟာ ၂၀၂၅ ခုနှစ်ရဲ့ အကောင်းဆုံးပြင်သစ်နည်းပြအဖြစ် ရွေးချယ်ခံခဲ့ရကြောင်း သိရပါတယ်။ဒီရွေးချယ်မှုကို နာမည်ကျော် ပြင်သစ်မဂ္ဂဇင်း(France Football)က ပြုလုပ်ခဲ့ခြင်းဖြစ်ပြီး ဆန္ဒမဲရလဒ်အရ ယန်နေစီယိုက အမှတ်အများဆုံးရရှိခဲ့ခြင်းဖြစ်ကြောင်း သိရပါတယ်။ယန်နေစီယိုက (၅၃)မှတ်ရရှိခဲ့တာဖြစ်ပြီး ဆန်းဒါးလန်းနည်းပြ လီဘရစ်က (၃၆)မှတ်နဲ့ ဒုတိယအများဆုံးရရှိခဲ့ပါတယ်။ပြင်သစ်လက်ရွေးစင်အသင်းနည်းပြ ဒေးရွှမ့်ကတော့ (၅)မှတ်သာရရှိတာကြောင့် အဆင့်(၇)နေရာမှာသာ ရပ်တည်နိုင်ခဲ့ကြောင်း သိရပါတယ်။ယန်နေစီယိုဟာ ၂၀၂၄ နွေရာသီမှာမှ လိုင်လီအသင်းကို စတင်ကိုင်တွယ်ခဲ့သူဖြစ်ပြီး ၂၀၂၄-၂၅ ရာသီ ပြင်သစ်လိဂ်မှာ အဆင့်(၅)နေရာရရှိခဲ့ပြီး ချန်ပီယံလိဂ်မှာ (၁၆)သင်းအဆင့်ရရှိအောင် စွမ်းဆောင်ပေးနိုင်ခဲ့ကြောင်း သိရပါတယ်။
