နေပြည်တော် စျေးများအတွင်း ငါးရှဉ့်များအများအပြားတွေ့လာရ

နေပြည်တော်ဒေသအတွင်း စျေးများတွင် ငါးရှဉ့်များရောင်းချလာသည်ကို ယခင်ကထက်ပိုမိုတွေ့ လာရ ကြောင်း ဒေသခံများထံမှ သိရသည်။ထိုသို့ငါးရှဉ့်ရောင်းချသူများလာခြင်းမှာ ပုံမှန်အားဖြင့် ပြည်ပစျေးကွက်သို့တင်ပို့သောကုမ္ပဏီများ၏ အဝယ်ဒိုင်များက ငါးရှဉ့်များကိုဝယ်ယူမှုရပ်လိုက်ခြင်းကြောင့် ဒိုင်များထံသွင်း၍ရောင်းချသူများမှာ လက်လီစျေး ကွက်သို့ ဦးတည်လာခြင်းကြောင့်ဖြစ်ကြောင်းလည်း ဆိုကြသည်။ထိုဒေသတွင် စျေးများအတွင်း ငါးရှဉ့်တစ်ပိဿာလျှင် အရွယ်အစားပေါ်မူတည်၍ အစိုမှာ ၂၅,၀၀၀ ကျပ်မှ ၃၀,၀၀၀ ကျပ်ကြား၊ ရင်ခွဲ အခြောက်မှာ ၅၀,၀၀၀ ကျပ်ဝန်းကျင်ဖြင့် ရောင်းချနေကြောင်း သိရသည်။