မန္တလေးမြို့မှာ ငလျင်ကူညီရေးစခန်းတွေ အားလုံး မေလကုန်မှာ ပိတ်တော့မှာဖြစ်ပြီး ငလျင်ဘေးသင့်ပြည်သူတွေကို စတင်ရွှေ့ခိုင်းနေပြီလို့ မြို့ခံတွေဆီကသိရပါတယ်။မေလကုန်နောက်ဆုံးထားပြီး ဘုန်းကြီးကျောင်း၊ စာသင်ကျောင်းနဲ့ အားကစားကွင်းတွေက ငလျင် ကူညီရေးစခန်း အားလုံးပိတ်သိမ်းရမယ်လို့ အမိန့်ထုတ်ထားတယ်လို့သိရပါတယ်။မန္တလေးမြို့မှာ ငလျင်ကူညီရေးစခန်းတွေက မန္တလေးမြို့မဟာအောင်မြေမြို့နယ်၊ စိန်ပန်းရပ်ကွက်၊ မန္တလာသီရိအားကစားကွင်း၊ ဗထူးအားကစားကွင်းတွေမှာ လူဦးရေအများဆုံးရှိပြီး စိန်ပန်းရပ်ကွက်မှာတော့ နေအိမ်ပြန်မဆောက်ရသေးတဲ့ လူဦးရေများတယ်လို့သိရပါတယ်။
