ရှမ်းပြည်နယ်(အရှေ့ပိုင်း)တာချီလိတ်မြို့၌ မေ ၂၃ ရက်ညပိုင်းက မိုးအဆက်မပြတ်ရွာသွန်းမှုကြောင့် မေ ၂၄ ရက်နံနက်ပိုင်းတွင် မြို့ပေါ်ရပ်ကွက်အချို့၌ ရေများတက်လာပြီး ရေဝင်ဧရိယာဖြစ်ခဲ့သော်လည်း ပျက်စီးဆုံးရှုံးမှု မရှိ ကြောင်း သိရသည်။မိုးရွာသွန်းမှုကြောင့် မယ်ခေါင်ရပ်ကွက်အတွင်း မြို့ပတ်လမ်းတွင်(၁)ပေခွဲခန့် ရေဝင်ရောက်လျက်ရှိပြီး အခြား ရပ်ကွက်များဖြစ်သော တာလော့ရပ်ကွက်၊ ပုန်းထွန်ရပ်ကွက်၊ ဆန်ဆိုင်း(ခ)ရပ်ကွက်နှင့် ဗိုလ်ချုပ်လမ်းရှိ ပုံလို့လမ်းဆုံ မီးပွိုင့်တို့တွင်လည်း သွားလာရခက်ခဲသည်အထိ ရေလျှံလျက်ရှိပါတယ်။မေလ ၂၄ ရက်နေ့ မြန်မာစံတော်ချိန် နံနက် ၆ နာရီအချိန် ပုန်းထွန်ဇလဗေဒတိုင်းတာရေးစခန်း တိုင်တာမှု များအရ မိုးရေချိန် ၂ ဒဿမ ၇၀ လက်မနှင့် မယ်ဆိုင်ချောင်းရေမှတ် ၃၅၀ စင်တီမီတာတွင် ရောက်ရှိနေကြောင်း သိရပါတယ်။
