မေလ (၂၀)ရက် နေပြည်တော်တွင် ပြုလုပ်သည့် အစည်းအဝေး ဒုတိယနေ့တွင် ထိုသို့ ဖမ်းဆီးရန် ပြောကြားခဲ့ပြီးနောက် မေလ (၂၁) ရက်တွင် တောင်ကြီးမြို့ ကံသာရပ် ဓမ္မာရုံလမ်းထောင့်တွင် စစ်ကောင်စီလက်အောက်ခံ ယာဉ်ထိန်းရဲများက လမ်းပိတ်၍ စစ်ဆေးလျက်ရှိရာ လိုင်စင်မဲ့ ကားနှင့် ဆိုင်ကယ် အစီးရေ (၅၀)ကျော်ကို ဖမ်းဆီးထားသည်ဟု လမ်းသွားလမ်းလာ အမျိုးသားတစ်ဦးက ပြောသည်။လိုင်စင်မဲ့ ကားနှင့် ဆိုင်ကယ်များ၊ လိုင်စင်နံပါတ် အတုနှင့် လိုင်စင်အတု ပြုလုပ်ပေးသူများကိုလည်း အရေးယူမည်ဟု အဆိုပါ အစည်းအဝေးတွင် ပြောဆိုခဲ့သည်။
