ထိုင်းနိုင်ငံသား အမည်ခံထားတဲ့ နိုင်ငံခြားသားပိုင်လုပ်ငန်း နဲ့ အရည်အသွေးနိမ့်တဲ့ ကုန်ပစ္စည်းတွေအတွက် ကုမ္ပဏီ ၄၆,၀၀၀ ကျော် ကို စစ်ဆေးမည်

ထိုင်း ကူးသန်းရောင်းဝယ်ရေး ဝန်ကြီး Pichai Naripthaphan က တရားမဝင် နိုင်ငံခြားသား လုပ်ငန်းတွေနဲ့ ပြည်ပကတင်သွင်းလာတဲ့ အရည်အသွေးနိမ့် ကုန်ပစ္စည်းတွေကို နှိမ်နင်းဖို့ အတွက် ၅ ကြိမ်မြောက် အစည်းအဝေးကို မေလ ၂၁ ရက်က ပြုလုပ်ခဲ့ပါတယ်။ အစည်းအဝေးမှာ ထိုင်းနိုင်ငံသား အမည်ခံထားတဲ့ နိုင်ငံခြားသားပိုင်လုပ်ငန်း၊ ပြည်ပကတင်သွင်းလာတဲ့ အရည်အသွေးနိမ့် ကုန်ပစ္စည်းနဲ့ နိုင်ငံခြားပစ္စည်းတွေကို တရားမဝင် Online / Offline ရောင်းချနေမှုတွေကို နှိမ်နင်းနိုင်မယ့် နည်းလမ်းတွေကို အဓိက ဆွေးနွေးခဲ့ကြပါတယ်။အခု အစည်းအဝေးမှာ ထိုင်းနိုင်ငံသား အမည်ခံ နိုင်ငံခြားသားပိုင်လုပ်ငန်းလို့ သံသယရှိတဲ့ ကုမ္ပဏီ ၄၆,၉၁၈ ခုကို စစ်ဆေးဖို့ သဘောတူညီခဲ့ကြပါတယ်။