ကရင်ပြည်နယ် လှိုင်းဘွဲ့မြို့နယ်တွင် ဖုန်းရေတွင်းထဲကျ၍ ဆင်းဆယ်သူနှစ်ဦး အောက်စီဂျင်ပြတ်ကာ သေဆုံး

ကရင်ပြည်နယ် လှိုင်းဘွဲ့မြို့နယ် ပိုင်ကျုံမြို့ရှိ အပေါင်ကျေးရွာအနီး ရေတွင်းတစ်ခုတွင် ဖုန်းပြုတ်ကျသွားသဖြင့် ဆင်းဆယ်ကယ်ယူကြစဉ် အမျိုးသားနှစ်ဦး အောက်စီဂျင်ပြတ်ကာ မေလ ၂၀ မနက်တွင် သေဆုံးခဲ့ကြောင်း သိရသည်။ ထိုသူနှစ်ဦးကို မြန်မာနိုင်ငံလူမှုကယ်ဆယ်ရေးအဖွဲ့ (ကရင်ပြည်နယ်)၊ ဒေသခံကယ်ဆယ်ရေးအသင်းများနှင့် မီးသတ်တပ်ဖွဲ့ဝင်များမှ ပူးပေါင်းကယ်ဆယ်ခဲ့ကြသည်။