ထိုင်းနိုင်ငံတွင် ညွှန့်ပေါင်းအစိုးရအဖွဲ့ဝင်ပါတီများဖြစ်သည့် ဖြူးထိုင်းပါတီနှင့် ဘူဂျထိုင်းပါတီတို့ကြား နိုင်ငံရေး တင်းမာမှုများ မြင့်တက်နေပြီး ညွှန့်ပေါင်းအစိုးရအဖွဲ့သည် အားနည်းလာခဲ့သည်။ထိုင်းနိုင်ငံသည် စီးပွားရေး တုံ့ဆိုင်းမှုနှင့် နိုင်ငံရေးတင်းမာမှု၏ ဖိအားများကို ခံနေရချိန်တွင် ယခု ညွှန့်ပေါင်းအစိုးရ အဖွဲ့အတွင်း တင်းမာမှုများသည် တစ်ပူပေါ် နှစ်ပူဆင့်သည့် အခြေအနေသို့ ရောက်ရှိစေခဲ့ပြီး အတိမ်းအစောင်း မခံနိုင်သော အနေအထား ဖြစ်လာခဲ့သည်။
