ဗီယက်နမ်နှင့် တောင်အာဖရိကမှ အဆင့်မြင့် ပါတီတာဝန်ရှိသူများ ဆွေးနွေး

ဗီယက်နမ် ကွန်မြူနစ်ပါတီနှင့် တောင်အာဖရိက အာဖရိက အမျိုးသား ကွန်ဂရက် (ANC) ပါတီမှ အဆင့်မြင့် ကိုယ်စားလှယ်များသည် နှစ်နိုင်ငံအကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုကို မြှင့်တင်ရန် ရည်ရွယ်၍ ဟနွိုင်မြို့၌ မေလ(၁၉၀တနင်္လာနေ့တွင် တွေ့ဆုံဆွေးနွေးခဲ့ကြသည်။ ဗီယက်နမ် ကွန်မြူနစ်ပါတီ ဗဟိုကော်မတီ၏ နိုင်ငံခြားဆက်ဆံရေး ကော်မရှင် ဒုတိယဥက္ကဋ္ဌ လေဟိုင်းဘင်းက ANC အမျိုးသား အမှုဆောင် ကော်မတီဝင်နှင့် ပါလီမန်အမတ် မာဖိုမေလော ဆမ်ဆန် မတ်ရှီယာ ဦးဆောင်သော ANC ကိုယ်စားလှယ်အဖွဲ့ကို လက်ခံတွေ့ဆုံခဲ့သည်။ တွေ့ဆုံဆွေးနွေးစဉ် နှစ်ဖက်စလုံးသည် နှစ်နိုင်ငံပါတီများနှင့် ပြည်သူများအကြား ရိုးရာချစ်ကြည်ရင်းနှီးမှုနှင့် ပူးပေါင်းဆောင်ရွက်မှုဆိုင်ရာ သမိုင်းဝင် ဆက်ဆံရေးကို ပြန်လည်သုံးသပ်ခဲ့ကြသည်။ ၎င်းတို့သည် ပါတီတည်ဆောက်ရေး၊ စီမံခန့်ခွဲမှုနှင့် လူမှုစီးပွား ဖွံ့ဖြိုးတိုးတက်ရေးဆိုင်ရာ အတွေ့အကြုံများကိုလည်း ဖလှယ်ခဲ့ကြသည်။