မဟာဆာရာခမ် ခရိုင်က လူတစ်ဦးဟာ ပြီးခဲ့တဲ့ မေလ (၁၆) ရက်နေ့ ထိုင်းထီထွက်တဲ့အချိန်မှာ ဘတ် ၁၂ သန်းထိ ကံထူးပြီး နေ့ချင်းညချင်း သန်းကြွယ်သူဌေးဖြစ်သွားသလို သူရဲ့ နောက်ကြောင်းကလည်း ပိုစိတ်ဝင်စားဖို့ကောင်းနေပါတယ်။ အသက် ၂၆ နှစ်အရွယ် ကံထူးရှင် Bas ဟာ သူမကြာသေးခင်က ဝယ်လိုက်တဲ့ ထရပ်ကားနံပါတ် 2709 ကို ကြည့်ရင်း နောက်ဆုံးမှာ 09 နဲ့ ဆုံးတဲ့ နံပါတ်ကို ထိုးဖို့ အကြံရခဲ့တာဖြစ်ပြီး 251309 နံပါတ်ကို သူတို့ရွာက ထီရောင်းသူ သူငယ်ချင်းဆီကနေ ဝယ်ခဲ့ပါတယ်။ ထီထွက်တဲ့နေ့မှာတော့ သူက ကံထူးရှင်ဖြစ်နေခဲ့ပြီး ထီရောင်းသူကလည်း အိမ်ကို ထီလာပို့ပေး အတူတူ ပျော်ရွှင် ဆင်နွှဲခဲ့ကြပါတယ်။
