ထိုင်းမှာ တရားမဝင် အလုပ်လုပ်နေတဲ့ နိုင်ငံခြားသားကျောင်းသားတွေအတွက် စည်းမျဉ်းတွေကို တင်းကြပ်

ထိုင်း အဆင့်မြင့် ပညာရေး၊ သိပ္ပံ၊ သုတေသန နဲ့ တီထွင်ဖန်တီးမှု ဝန်ကြီးဌာန (MHESI) က နိုင်ငံခြားသား ကျောင်းသားတွေ ကာလတို သင်တန်း တက်ပြီး ထိုင်းမှာ တရားမဝင် အလုပ်လုပ်နေတာကို ကာကွယ်ဖို့အတွက် စည်းမျဉ်းအသစ်တွေကို ကြေညာလိုက်ပါတယ်။ အဲဒီ စည်းမျဉ်းတွေဟာ စတင်အကျိုးသက်ရောက်ပြီ ဖြစ်ပြီး ကျောင်းတွေဟာ ကာလတို သင်တန်းရဲ့ သင်ရိုးညွှန်းတမ်းတွေကို တင်ပြရမှာဖြစ်ပါတယ်။MHESI ရဲ့ ဝန်ကြီး Supamas Isarabhakdi က အခုစည်းမျဉ်းအသစ်တွေဟာ ထိုင်းကို လာတဲ့ နိုင်ငံခြားသားကျောင်းသားတွေဟာ ထိုင်း ဥပဒေနဲ့အညီ ပညာသင်ကြားဖို့ ရည်ရွယ်တယ်လို့ ပြောပါတယ်။