စူပါရေချမ်းကို မူဂါဆီတိုနှင့် ပွဲတည်ပေး

ONE Championship သည် မြန်မာဖိုက်တာ စူပါရေချမ်းနှင့် မူဂါဆီတို တို့ကိုမေလ ၃၀ ရက်နေ့၌ ကျင်းပရန်ရှိနေသော ONE Friday Fights 110 ပြိုင်ပွဲကြီးတွင် ယှဉ်ပြိုင်ကြရလိမ့်မည်ဖြစ်ပြီး မူဂါဆီတိုမှာ ONE တွင် ၂ ပွဲနိုင်၊ ၁ ပွဲရှုံးထားသည့် ဖိုက်တာတစ်ဦးဖြစ်သည်။စူပါရေချမ်း သည် ပထမဆုံး ယှဉ်ပြိုင်ခဲ့ရသော ဆုတင်နှင့်ပွဲတွင်လည်း အမှတ်ပေးဒိုင်လူကြီးများ၏ဘက်လိုက်ဆုံးဖြတ်မှုကို ကြုံဆုံရင်ဆိုင်ခဲ့ရကာ ဒုတိယပွဲစဉ်၌ ဒန့်ခ် ကို ပထမပွဲချီ၌ပင် အလဲထိုးပြခဲ့သော်လည်း ဘောနပ်စ် မရရှိသည့်အခြေအနေကို စူပါရေချမ်းက ရင်ဆိုင်ဖြတ်သန်းခဲ့ရသည်။စူပါရေချမ်း သည် ယခုပွဲစဉ်အတွက် ကြိုတင်ပြင်ဆင်မှုများ ပြင်းပြင်းထန်ထန် လုပ်ဆောင်ထားပြီး နိုင်ပွဲ အရယူပြရန်လည်း စိတ်ဓာတ်ပြင်းပြလျက်ရှိသည်။