မြန်မာနိုင်ငံကြက်ခြေနီအသင်းက မန္တလေးတိုင်းဒေသကြီး၊ အမရပူမြို့နယ်ရှိ ယာယီငလျင်ဘေးရှောင်စခန်းအား ရေသန့်များထောက်ပံ့

မြန်မာနိုင်ငံကြက်ခြေနီအသင်းက မန္တလေးတိုင်းဒေသကြီး၊ အမရပူမြို့နယ်ရှိ ယာယီငလျင်ဘေးရှောင်စခန်းများနှင့် သောက်သုံးရေလိုအပ်သည့်နေရာများသို့ ဧပြီလ(၅)ရက်နေ့မှ သောက်သုံးရေစတင် ဖြန့်ဝေပေးခဲ့ရာ မေလ(၁၄)ရက်နေ့အထိ သောက်သုံးရေ လီတာ(၃)သိန်းကျော်ကို ဖြန့်ဝေခဲ့ပြီးဖြစ်ကာသောက်ရေပုံး အခက်အခဲရှိသည့် ယာယီငလျင်ဘေးရှောင်စခန်းများမှ အိမ်ထောင်စု (၁,၇၇၀)စု အတွက် ရေလီတာ(၁၀)ဆန့် သောက်ရေပုံး(၁,၇၇၀)ပုံးကိုလည်း ပေးဝေခဲ့ပါတယ်။ ကြက်ခြေနီအသင်းအနေဖြင့် သောက်သုံးရေဖြန့်ဝေခြင်းနှင့်အတူ သန့်(၄)သန့်နှင့်လက်ဆေးနည်းသရုပ်ပြခြင်း တို့ကိုလည်း အသိပညာပေးလုပ်ဆောင်လျက်ရှိပါတယ်။