အစားစားလျှင်မိနစ်(၂၀)အောက်သာကြာမြင့်သူများ အရှိန်လျှော့စားသင့်

ကျန်းမာရေးအတွက် စားတဲ့အစားအစာအပြင် စားတဲ့ကြာချိန်ကလည်း အရေးကြီးပါတယ်။အရမ်းမြန်မြန်ကြီး စားလိုက်ရင် အစာတွေ ပြည့်ကြပ်သွားပြီး ဦးနှောက်ကနေ မစားတော့ဖို့ အချက်မပြခင်မှာပဲ အလွန်အကျွံ စားမိနိုင်ပါတယ်။ စားတဲ့အခါ မိနစ် ၂၀-၃၀ တောင်မကြာဘူးဆိုရင် စားတာမြန်လွန်းတယ်လို့ ဆိုရမှာပါ။ အစာအိမ်မှာ ဗိုက်ပြည့်ပြီဆိုတဲ့ ဟော်မုန်းအချက်ပြစနစ်ကနေ ဦးနှောက်သို့ ဆက်သွယ်ရာမှာ မိနစ် ၂၀ ခန့်ကြာမြင့်တာကြောင့် မြန်မြန်စားလိုက်ရင် အချက်ပြမှုတွေကို လွတ်သွားပြီး ဗိုက်ပြည့်တာထက် ပိုစားမိစေနိုင်တယ်လို့ ကလိဗ်လန်းဆေးခန်းမှ လက်စ်လီဟိုင်းဘတ်က ပြောပါတယ်။