ထိုင်းနိုင်ငံ ကန်ချနပူရီခရိုင် ဆန်ခလာဘူရီခရိုင်မှာ အထောက်အထားမဲ့ ရွှေ့ပြောင်းနေထိုင်သူ ၂၂ ဦးကို အာဏာပိုင်တွေက မေလ ၁၁ ရက် တနင်္ဂနွေနေ့က ဖမ်းဆီးလိုက်ပါတယ်။ ထိုင်း-မြန်မာနယ်စပ် ဝမ်ကာခရိုင် ဘန်ဒေါင်ဆတ် အနီးတွင် ရွှေ့ပြောင်းနေထိုင်သူများကို တွေ့ရှိခဲ့ခြင်းဖြစ်သည်။ မည်သူမျှ ခိုင်လုံသော သက်သေခံစာရွက်စာတမ်းများ မထုတ်နိုင်ခဲ့သဖြင့် ဖမ်းဆီးလိုက်ကြောင်း သိရသည်။ အဆိုပါအဖွဲ့သည် စစ်ဆေးရေးဂိတ်များကို ရှောင်ရှားရန် ဆိုင်ကယ်နှင့် သဘာဝလမ်းများဖြင့် မြန်မာနိုင်ငံမှ ထွက်ခွါလာပြီး ပွဲစားများကို ဘတ် ၁၅,၀၀၀ မှ ၂၀,၀၀၀ ကြား ပေးဆောင်ရန် သဘောတူညီခဲ့ကြကြောင်း ကနဦးစစ်ဆေးချက်များအရ သိရသည်။
