ယခုလ မေ(၁၆)ရက်နှင့် နောက်ပိုင်းရက်များတွင် လေဖိအားနည်းရပ်ဝန်းဖြစ်နိုင်ချေရှိသဖြင့် ပင်လယ်ပြင် ရေလုပ်သားများ အချိန်မီ ကမ်းပြန်ဝင်နိုင်ရန် ပြင်ပ မိုးလေဝသပညာရှင် ဦးဝင်းနိုင်က သတိပေးထားသည်။လက်ရှိ ခန့်မှန်းထားချက်အရ လေဖိအားနည်းရပ်ဝန်းသည် ကမ်းရိုးတန်းအနီး အစပျိုးဖြစ်ပေါ်လာပါက မေလ (၁၀) ရက်နောက်ပိုင်းတွင် အနည်းဆုံး မိုးအသင့်အတင့်ရွာနိုင်သော အခြေအနေများ ရှိနေသည်ဟု ကြိုတင်ခန့်မှန်းရေး Model များက ပြသနေသည်ဟု ဆိုသည်။အကယ်၍ မိုးရွာသွန်းမည်ဆိုပါကလည်း ရေချိန် မီလီမီတာ (၄၀) အထက်မှ မီလီမီတာ (၈၀)အထက် မိုးရေပမာဏများနိုင်ကြောင်း သိရသည်။
