စင်ကာပူနိုင်ငံတွင် (မေ ၃)ကကျင်းပသည့် ရွေးကောက်ပွဲရလဒ်ထွက်ပေါ်

(မေလ ၃)တွင် ကျင်းပသည့် စင်ကာပူနိုင်ငံ အထွေထွေ ရွေးကောက်ပွဲတွင် အာဏာရပါတီ People's Action Party PAP က ၁၄ ကြိမ်မြောက် ဆက်တိုက် အနိုင်ရရှိခဲ့သည်။ ပါလီမန်တွင် အမတ် ၉၇ နေရာ ရှိသည့်အနက် ၈၇ နေရာ ရရှိသည်။ ကျန်သည့် ၁၀ နေရာကို အတိုက်အခံပါတီ Workers’ Party WP က ရရှိသည်။မဲဆန္ဒနယ် ၃၃ ခုအနက် ၃၀ တွင် အနိုင်ရခဲ့ကြောင်း ရွေးကောက်ပွဲ ကော်မရှင်က ပြောကြားသည်။PAP သည် စင်ကာပူ လွတ်လပ်ရေး မရယူခင် ကတည်းက အာဏာရပါတီအဖြစ် ဆက်တိုက်ရပ်တည်ခဲ့ရာ ၁၉၅၉ ခုနှစ်ကတည်းကဖြစ်ရာ နှစ်ပေါင်း ၆၆ နှစ် ရှိပြီ ဖြစ်သည်။