တရုတ်နိုင်ငံမှContemporary Amperex Technology Co., Limited CATL သည်No Fire, No Explosion” ကို ကိုက်ညီစွာဖြင့် ဘက်ထရီထုပ် ထုတ်လုပ်နိုင်သည့် ပထမဆုံးကုမ္ပဏီ ဖြစ်လာ

တရုတ်နိုင်ငံမှ အီးဗီဘက်ထရီလုပ်ငန်းကြီး Contemporary Amperex Technology Co., Limited CATL သည် တရုတ်အစိုးရ၏ အီးဗီဘက်ထရီထုပ် စံနှုန်းအသစ် "မီးမလောင် မပေါက်ကွဲ" “No Fire, No Explosion” ကို ကိုက်ညီစွာဖြင့် ဘက်ထရီထုပ် ထုတ်လုပ်နိုင်သည့် ပထမဆုံးကုမ္ပဏီ ဖြစ်လာသည်။ အီးဗီဘက်ထရီတွင် အကြောင်းကြောင်းကြောင့် အပူလွန်ကဲသည့်အခါ မီးလောင်ခြင်း၊ ပေါက်ကွဲခြင်း မဖြစ်အောင် ကာကွယ်ပေးထားရမည်ဖြစ်သည့်အပြင် မီးခိုးထွက်လျှင် ကားပေါ်ပါလာသူများကို မထိခိုက်စေရန်အတွက်လည်း စီမံပေးထားရမည့် စံနှုန်းအသစ်သည် ၂၀၂၆ ဇူလိုင် ၁ ရက်တွင် စတင်သက်ရောက်မည် ဖြစ်သော်လည်း ကမ္ဘာ့အကြီးဆုံး အီးဗီဘက်ထရီလုပ်ငန်းကြီး CATL က ယခုကတည်းက ၎င်းစံနှုန်းပြည့်မီကြောင်း လက်မှတ် ရယူလိုက်သည်။