ဖိလစ်ပိုင်၌ ယာဉ်ငါးစီးတိုက်မိ ၁၂ ဦး‌ သေဆုံးပြီး ၃၀ ဦးထိခိုက်ဒဏ်ရာရခဲ့

ဖိလစ်ပိုင်နိုင်ငံ မနီလာမြိုမြောက်ဘက်ရှိအမြန်လမ်းပေါ်တွင် ယာဉ်ငါးစီးဆက်တိုက်မှုကြောင့် ကလေးငယ်ခြောက်ဦးအပါအဝင် လူ ၁၂ ဦး‌ သေဆုံးပြီး လူ ၃၀ ထက်မနည်း ထိခိုက်ဒဏ်ရာရရှိခဲ့ကြကြောင်း အာဏာပိုင်များကပြောကြားခဲ့သည်။ အဆိုပါယာဉ်တိုက်မှုသည် မေလ ၂ ရက် ဒေသစံတော်ချိန် နေ့လည် ၁၂ နာရီ ၈ မိနစ်ဝန်းကျင်၌ ဖြစ်ပွားခဲ့ခြင်းဖြစ်ပြီး ခရီးသည်တင်ဘက်စ်ကားတစ်စီး၊ အားကစားသုံးယာဉ်သုံးစီးနှင့်ကွန်တိန်နာကားတို တိုက်မိခဲ့ကြခြင်းဖြစ်သည်။ ခရီးသည်တင်ဘက်စ်ကားက အရှိန်မထိန်းနိုင်ဘဲ ၎င်းရှေ့မှယာဉ်ကိုဝင်တိုက်ကာ အဆိုပါယာဉ်ကတစ်ဆင့် တိုးဂိတ်၌ဂိတ်ကြေးပေးရန်ရပ်ထားသည့်ကားသုံးစီးကိုပါ ဆင့်တိုက်မိခဲ့ခြင်းဖြစ်ကြောင်းသိရသည်။