အီလွန်မတ်အား အမေရိကန်အများစုက လေးစားသဖြင့် အစိုးရအဖွဲ့တွင် ဆက်လုပ်ကိုင်စေလိုကြောင်း ထရမ့်ပြော

အီလွန်မတ်က သူ့စီးပွားရေးလုပ်ငန်းများဆီ ပြန်သွားချင်သည်ကို နားလည်ကြောင်းနှင့် အကယ်၍ အိမ်ဖြူ တော်အတွက် ဆက်လက်လုပ်ကိုင်ပေးရန် ဆန္ဒရှိပါကလည်း လုပ်ကိုင်ပေးနိုင်ကြောင်း အမေရိကန်သမ္မတ ဒေါ်နယ်ထရမ့်က ဧပြီ၃၀နေ့တွင် ပြောကြားလိုက်သည်။၎င်း၏ ပြဿနာတက်နေသောတက်စလာကားကုမ္ပဏီကို ပိုမိုအာရုံစိုက်စီမံခန့်ခွဲရေးအတွက် ဘတ်ဂျက် ဖြတ်တောက်သည့် ဌာနဖြစ်သည့် အစိုးရစွမ်းဆောင်ရည်ထိရောက်ရေးဌာန (DOGE) ၏ တရားဝင် မဟုတ်သော အကြီးအကဲအဖြစ်မှ နုတ်ထွက်မည်ဖြစ်ကြောင်း ပြီးခဲ့သည့်လက အီလွန်မတ်က ပြောကြားခဲ့သည်။“ဒီနိုင်ငံမှာရှိတဲ့ လူအများစုက ခင်ဗျားကို တကယ်လေးစားတန်ဖိုးထားကြပါတယ်” ဟု DOGE မှ ၎င်း၏ အခန်းကဏ္ဍကို မစွန့်လွှတ်မီ အီလွန်မတ်၏ နောက်ဆုံးအစည်းအဝေးဖြစ်နိုင်သည့် အိမ်ဖြူတော် ကက်ဘိနက်အစည်းအဝေးတစ်ခုအတွင်း ထရမ့်က ပြောခဲ့သည်။