ငလျင်ဒဏ်ကြောင့် ပျက်စီးသွားသော အဆောက်အအုံများ ပြန်လည်တည်ဆောက်ရာတွင် ဘိလပ်မြေလိုအပ်ချက် မြင့်မားလာသောကြောင့် ဘိလပ်မြေထုတ်လုပ်မှုကို တိုးမြှင့်ရန် ဆောင်ရွက်လျက်ရှိကြောင်း သိရသည်။ ကျောက်ဆည်မြို့နယ်ရှိ ဘိလပ်မြေစက်ရုံများအနက် ကြံ့နှစ်ကောင် ဘိလပ်မြေစက်ရုံသည် မေလ ၁၅ ရက်မှစတင်ကာ နေ့စဉ် အိတ်တစ်သိန်း ထုတ်လုပ်နိုင်မည်ဖြစ်ပြီး၊ တာဝန်ရှိသူများအနေဖြင့် ဘိလပ်မြေများကို အမြန်ဆုံးထုတ်လုပ်၍ စျေးကွက်အတွင်း ဖြန့်ဖြူးနိုင်ရန် စုပေါင်းဆောင်ရွက်လျက်ရှိသည်။
