မန္တလေး၊ အင်းဝ၊ ပင်းယ၊ ပလိပ်၊ ကျောက်ဆည်-မက္ခရာ၊ အမရပူရနှင့် စစ်ကိုင်း/မင်းကွန်းဒေသများတွင် မတ်လ ၂၈ ရက်နေ့က လှုပ်ခတ်ခဲ့သော အင်အားပြင်းငလျင်ကြောင့် ထိခိုက်ပျက်စီးခဲ့သည့် ရှေးဟောင်းအဆောက်အအုံများကို အဆင့်အလိုက် စနစ်တကျ ပြန်လည်ပြုပြင်ထိန်းသိမ်းသွားမည်ဖြစ်ကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာနမှ သိရသည်။ လက်ရှိတွင် ပျက်စီးမှုစာရင်းများကို ကောက်ယူလျက်ရှိပြီး ပြုပြင်ထိန်းသိမ်းရေးလုပ်ငန်းစဉ်များကို ချမှတ်ဆောင်ရွက်သွားမည်ဖြစ်သည်။
