မြန်မာနိုင်ငံအစိုးရ၏ တောင်းဆိုချက်အရ ငလျင်ဒဏ်သင့် ဒေသများ၏ ထိခိုက်ပျက်စီးအခြေအနေများကို စုံစမ်းစစ်ဆေးရန်နှင့် အကဲဖြတ်မှုလုပ်ငန်းများ လုပ်ဆောင်ရန် တရုတ်ကျွမ်းကျင်ပညာရှင်များ ရောက်ရှိလာကြောင်း မြန်မာနိုင်ငံဆိုင်ရာ တရုတ်သံရုံးက ဧပြီလ ၂၇ ရက်၌ သတင်းထုတ်ပြန်ထားသည်။တရုတ်ကျွမ်းကျင်ပညာရှင်အဖွဲ့တွင် China Earthquake Administration (CEA) ၊ တရုတ်ငလျင်ရှာဖွေကယ်ဆယ်ရေးစင်တာ၊ ထုံကျိတက္ကသိုလ်၊ ဟားအယ်ပင်း နည်းပညာတက္ကသိုလ်၊ တရုတ်အဆောက်အအုံဆိုင်ရာ သုတေသနအကယ်ဒမီ (CABR) စသည့် ကျွမ်းကျင်အဖွဲ့အစည်းများမှ ပညာရှင် ၃၀ ဦး ပါဝင်ပြီး ငလျင်ဒဏ်သင့် မြန်မာနိုင်ငံသို့ နိုင်ငံတော်၏ တာဝန်အပ်နှင်းမှုနှင့် ငလျင်ဒဏ်သင့်ဒေသထံ စေလွှတ်ခဲ့သည့် ပထမဆုံးကျွမ်းကျင်အကဲဖြတ်မှုအဖွဲ့လည်းဖြစ်သည်။
