မတ် ၂၉ရက်နေ့ မန္တလေးတိုင်းဒေသကြီး၊ အောင်မြေသာစံမြို့နယ်ရှိ Sky Villa Condo အဆောက်အဦး ပြိုကျမှုကြောင့် ပိတ်မိနေသူများထဲမှ ၄၃ ဦးကို အသက်ရှင်လျက်ကယ်တင်နိုင်ခဲ့ကြောင်း မီးသတ်တပ်ဖွဲ့က သတင်းထုတ်ပြန်ထားသည်။၁၁ ထပ်အမြင့်ရှိသော Sky Villa Condo သည် မတ်လ ၂၈ ရက် ငလျင်ကြောင့် ပြိုကျခဲ့ပြီး၊ ၄ ထပ်မြေထဲကျွံဝင်သွားမှုကြောင့် လူအများအပြား ပိတ်မိခဲ့ကြောင်း သိရသည်။ မီးသတ်တပ်ဖွဲ့နှင့် အရန်ကယ်ဆယ်ရေးအဖွဲ့များ ပူးပေါင်းဆောင်ရွက်မှုဖြင့် သေဆုံးသူ ၉ ဦး၏ ရုပ်အလောင်းများကို တွေ့ရှိခဲ့ပြီး ပိတ်မိနေသူများကို ဆက်လက်ရှာဖွေနေကြောင်း ထုတ်ပြန်ချက်တွင် ဖော်ပြထားသည်။ပိတ်မိသေဆုံးသူများထဲတွင် သုခဒိုင်းမွန်းစိန်တိုက်ပိုင်ရှင်မိသားစုပါဝင် သွားကြောင်းလည်း သိရှိရသည်။
