တန်ကြေး မြင့်မားလွန်းနေတဲ့ အီဆက်ခ်အစား အကီတီကီကိုသာ ပြောင်းလဲ ပစ်မှတ်ထားလာခဲ့တဲ့ အာဆင်နယ်

အာဆင်နယ်အသင်းဟာ နယူးကာဆယ်အသင်းရဲ့ ဆွီဒင်တိုက်စစ်မှူး အလက်ဆန်းဒါး အီဆက်ခ်ကို အဓိကပစ်မှတ်အဖြစ် သတ်မှတ်ထားပေမယ့် ဒီကစားသမား တန်ကြေးက မြင့်မားလွန်းနေတာကြောင့် ဖရန့်ဖတ် တိုက်စစ်မှူး ဟူဂို အကီတီကီကိုသာ ပြောင်းလဲ ပစ်မှတ်ထားလာခဲ့တယ်လို့ သတင်းထွက်ပေါ်နေပါတယ်။ အထောင်တိုက်စစ်ကစားသမားတစ်ဦးကို မဖြစ်မနေ လိုအပ်နေတဲ့ အာဆင်နယ်အသင်းဟာ ဆွီဒင်လက်ရွေးစင် တိုက်စစ်မှူး အီဆက်ခ်ကို အတော်လေး စိတ်ဝင်စားခဲ့တာ ဖြစ်ပေမယ့် နယူးကာဆယ်ကတော့ သူတို့ရဲ့ ကြယ်ပွင့်ကစာသမားကို အသင်းကနေ ရောင်းချဖို့ ဆန္ဒမရှိသလို လက်လွတ်ရမယ်ဆိုရင်လည်း ပေါင်သန်း(၁၅၀)လောက်အထိပါ တောင်းဆိုလာနိုင်ပါတယ်။