ရီးယဲလ်မက်ဒရစ်အသင်း၏ ကြယ်ပွင့်ကစားသမားများဖြစ်သည့် ဘာပေနှင့် ဗင်နီစီယပ်စ်တို့၏ဆက်ဆံရေးမှာ ဟန်ပြဆက်ဆံရေးသာဖြစ်ပြီး ၎င်းတို့အကြား အားပြိုင်မှုများရှိနေကြောင်း စပိန်ဘောလုံးဝေဖန်သူ မီဒီနာက သုံးသပ်ပြောကြားခဲ့သည်။ပြင်သစ်လက်ရွေးစင်တိုက်စစ်မှူး ဘာပေသည် ပြီးခဲ့သည့်နွေရာသီကမှ PSG အသင်းမှ ရီးယဲလ်မက်ဒရစ်အသင်းထံသို့ ပြောင်းရွှေ့ကြေးအလွတ်ဖြင့် ရောက်ရှိလာခဲ့သူဖြစ်သည်။ဘာပေ ရောက်လာပါက ရီးယဲလ်အသင်းတွင် ကြယ်ပွင့်ကစားသမားများအကြား ပြိုင်ဆိုင်မှုများ ရှိလာနိုင်ပြီး အသင်းတွင် ပြိုကွဲမှုများ ရှိလာနိုင်ကြောင်း သုံးသပ်ခဲ့ကြသည်။
