တရုတ်နိုင်ငံသည် ဟန်ဂေရီရှိ BYD ၏ လျှပ်စစ်ကားစက်ရုံအတွက် တရားမျှတမှုမရှိသော ထောက်ပံ့ကြေးများ ပေးအပ်ခြင်း ရှိ၊ မရှိ ဥရောပသမဂ္ဂမှ စုံစမ်းစစ်ဆေးနေသည်။ ဥရောပကော်မရှင်သည် BYD စက်ရုံသို့ နိုင်ငံခြားထောက်ပံ့မှု ရှိမရှိ စုံစမ်းစစ်ဆေးမှု ပဏာမအဆင့်တွင် ရှိနေပြီး အကယ်၍ တရုတ်အစိုးရထံမှ တရားမျှတမှု မရှိသော ထောက်ပံ့မှု ရရှိထားကြောင်း တွေ့ရှိရလျှင် ဥရောပမှ ကားကုမ္ပဏီများနှင့် ယှဉ်ပြိင်ရာတွင် တရားမျှတမှုရှိစေရန် ဥရောပကော်မရှင်က အရေးယူမည်။ ထိုအခါ စက်ရုံ၏ ပိုင်ဆိုင်မှုအချို့ကို ရောင်းချရမည်။ ထုတ်လုပ်နိုင်စွမ်း လျှော့ချပေးရမည်။ ဒဏ်ကြေး ပေးဆောင်ရမည်။ အဆိုပါ စုံစမ်းစစ်ဆေးမှု ဆောင်ရွက်ကြောင်း ဟန်ဂေရီ အစိုးရထံ အကြောင်းကြား အသိပေးခြင်း မရှိသဖြင့် ဟန်ဂေရီဝန်ကြီးချုပ် Viktor Orban က ပြစ်တင်ဝေဖန်သည်။
