၂၀၂၅ ခုနှစ် မတ်လ ၂၄ ရက်တွင် သင်္ကြန်ကာလနီးလာသဖြင့် သားငါးစျေးနှုန်းများ မြင့်တက်လာပြီး ရောင်းချသူများအနေဖြင့် အခက်အခဲများ ရင်ဆိုင်နေရကြောင်း သိရသည်။သားငါးရောင်းချသူများအနေနဲ့ လက်ကားစျေးမြင့်တက်ခြင်း၊ ကုန်ပစ္စည်းပြတ်လပ်ခြင်းနှင့် သယ်ယူပို့ဆောင်မှု ကုန်ကျစရိတ်မြင့်တက်ခြင်း ကြောင့် အမြတ်မရ၊ အရင်းထိခိုက်မှုများကြုံတွေ့နေရကြောင်း ပြောသည်။ရန်ကုန်မြို့နေ ပြည်သူများလည်း စျေးနှုန်းများ နေ့စဉ်တိုးမြင့်နေမှုကြောင့် သင်္ကြန်အတွင်း ပိုမိုမြင့်တက်နိုင်မည်ကို စိုးရိမ်နေကြပြီး အစားအသောက်များ ကြိုဝယ်ထားမှုများလည်း မြင်တွေ့လာရ သည်။
