မတ်လ ၂၂ရက် နေ့ ပဲခူးတိုင်းဒေသကြီးအစိုးရအဖွဲ့ဝန်ကြီးချုပ်သည် အစိုးရအဖွဲ့ဝင်ဝန်ကြီးများနှင့်အတူ မတ်လ ၂၁ ရက်နေ့ မွန်းလွဲပိုင်းက ပြည်မြို့နယ်အတွင်း လယ်ယာကဏ္ဍ အဆင့်မြှင့်တင်ပေးနိုင်ရေး ကွင်းဆင်းဆောင်ရွက်ပေးခဲ့သည်။ ရှေးဦးစွာ တိုင်းဒေသကြီးဝန်ကြီးချုပ်သည် ပြည်မြို့နယ် ကြို့ရပ်သာကျေးရွာ၌ A One Engineering Group မှ နိုင်ငံ့စီးပွားမြှင့်တင်ရေးရန်ပုံငွေဖြင့် လူမောင်းနှင်ရွှေ့ပြောင်းနိုင်သည့် စပါးခြွေလှေ့စက်တည်ဆောက်နေမှုနှင့် လက်တွေ့စမ်းသပ်မောင်နှင်မှုတို့အား ကြည့်ရှုအားပေးခဲ့ပြီး တောင်သူတစ်ပိုင်တစ်နိုင် လယ်ယာသုံးစက်ကိရိယာများ ဘက်စုံထုတ်လုပ်သွားရန်၊ ပြည်တွင်းမှထုတ်လုပ်သည့် စက်ပစ္စည်းများ အစားထိုးသုံးစွဲရန်နှင့် နည်းပညာရရှိရေး ပံ့ပိုးဆောင်ရွက်ပေးခဲ့သည်။
